Rajah siliwangi Amit ampun nun paralun ka Gusti nu Maha Suci Neda pangjiad pangraksa para abdi-abdi seni Seja ngaguwar raratan tetes waris nini aki Ngembatkeun jalan raratan katampian geusan mandi ka leuwi sipatahunan leuwi nu ngaruncang diri Diri anu sakiwari rek muru lulurung tujuh Ngaliwat ka Pajajaran bongan hayang pulang anting Padungdengan-padungdengan jeung usikna pangancikan Pun sapun Sampurasun karumuhun ka hyang Prabu Siliwangi Nu murba di Pajajaran pangauban seuwi siwi Nu Gelar di Tatar Sunda muga nebarkeun wawangi 

****************

Pun !

Geus dipaheutkeun kunu Ngatur didituna

Yen kami kudu ngajagangan hiji mandala di Dua mangsa

Yen kami baris nitis deui dina wanci nu dipasinikeun

Yen kami kudu nyaksian turunna pulung ka Galunggung

Sabada nyaksian turunana pulung ka lebah Ciliwung ratusan taun ka tukang

Subaya mangsa kiwari geus ninggang diugana

Kiwari kami datang deui marengan nu datang make ngaran kami

- S I L I W A N G I -

Ngaran Kami , Ngaran Bihari

Kami – ngaran pancen jeung jiwa kami,

Hayang matuh dina sumsum balung aranjeun,

Hayang ngimah dina jiwa aranjeun.

Hayang nitipkeun ngaran kami – Siliwangi ka anak incu kami,

Jeung hayang supaya eta ngaran tetep di jaga saperti nu geus di jalankeun ku kami.

Kami datang deui dina ngaran, pancen jeung jiwa kami kana ngaran, pancen jeung jiwa aranjeun.

Geura tampa ieu kami,

Hei urang Pajajaran anyar.

Saestuna pancen kami, jiwa kami, nyaeta :

NYUNGKEMKEUN ACINING ASIH KALEMAH CAI

KU WENING ATI,

NGABAKTI JIWA RAGA KA NAGARA

KU BALUNGBANG RASA,

Jeung dimana engke simpay nagara pegat – kandaga – lante kandaga lante harayang ngaraja dewek ,

Geura gunakeun leungeun aranjeun binareng jeujeuhan.

Gupayan ku katresna, sugan nu ingkar daek eling daek mulang.

Jeung upama panggupay aranjeun teu dicumponan, kami nyaho yen leungeun aranjeun bisa di kuah – kieuhkeun bisa diusapkeun bisa dipeureupkeun !

Pun ! Geura pake ngaran kami – Siliwangi – ku aranjeun tapi omat ! masing bisa nyubadanannana, Masing bisa ngajagana, masing bisa ngajiwaannana.

Saestuna ngaran kami teh sarua jeung kami pribadi :

Boga suka jeung duka,

Seja jeng usaha.

Tapi inget !

Sing saha anak incu kami numake ngaran kami kalawan maksud nusuci maranehna meunang kapercayaan ti kami :

Sagala dukana baris ditungtungan ku sukana,

Sagala sejana baris di heueuhan ku Sanghiang bener,

Sagala usahana baris ditungtungan ku buahna, buah alaeunnana,

Jeung alaeun anak incuna.

Sabalikna,

Upama aya anak incu kami numake ngaran kami bari teu jeung wiwaha,

Boga seja jeung tekad nu nirca, atawa boga rasa ujub ku kaunggulan,

Kami seja narik kapercayaan kami, sarta upama aya mamala datang,

Tanggungan pribadina di bale balitungan

Ngaran kami montong dibabawa,

Ngaran kami montong dikotoran

Cag, sakieu wangsit ti kami – Siliwangi-

Geura bral,

Sing panjang natar lalakon kasmaran picaritaeun

Posted by 0003.Wiraatmadja Suba Kusumah,Girang Serat 2 on February 15, 2012 at 7:36 AM

407 Views

Post a Comment

Oops!

Oops, you forgot something.

Oops!

The words you entered did not match the given text. Please try again.

Name

Already a member? Sign In

Email

Message

3 Comments

Loading...

Reply 1505 Iwan Kustiwan (Bebegig Peuting)

01:41 AM on May 26, 2012 

sembah baktos kanjeng prabu... mugia tiasa ngabantun sagala rupi pituahna, mugi tiasa ngemban amanah suci kanggo kasaean balarea, manusa, sasatoan jeung sagala rupaning tatangkalan..

Reply 1478.M.Dana Sasmita Tatar Sunda,Limbangan,INA

02:46 AM on May 16, 2012 

Eusina Nyata..Mun Bisa Migawena,
Suci Hate....Suci Ucap...Jeung Suci Achlak....Hayu Urang Apikan....dina Ras Diri Urang, Sunda Kudu Makalangan.......Cag.

Reply 1288. Aang Aing Pisan Gantengtikudrat ( Sena Susanto )

05:23 AM on March 14, 2012 

NYAKSENI...
_/|\_